Back to blog

Dec 15, 2024

Python Sehrli Dunyosiga Birinchi Qadam! 🐍✨

Posted by

AS

Asadbek

@asadbek

cover

Python Sehrli Dunyosiga Birinchi Qadam! 🐍✨

Assalomu alaykum, peshqadamlar!
IT dunyosini zabt etishga tayyormisiz? Python bilan siz nafaqat dasturchi, balki bir vaqtning o‘zida bir nechta soha vakili bo‘lish imkoniyatiga ega bo‘lasiz! 🚀

Python bugungi kunda eng ommabop dasturlash tillaridan biri bo‘lib, u sun’iy intellekt, ma’lumotlar tahlili, veb-ishlab chiqish, o‘yin yaratish va boshqa ko‘plab sohalarda ishlatiladi. Pythonchi bo‘lish orqali siz IT olamining haqiqiy qahramoniga aylanasiz! 💪

Endi tasavvur qiling: siz bir vaqtning o‘zida ma’lumotlar tahlilchisi, sun’iy intellekt mutaxassisi, veb-dasturchi yoki o‘yin yaratuvchisi bo‘lishingiz mumkin. Hammasi Python orqali!

Qani, boshladik!
Let’s go! Python forever! 🐍💻

1. Python o‘rnatish: Kompyuteringizni "Pythonchi" qilish

Python dasturlash tili bilan ishlash uchun avvalo uni kompyuteringizga o‘rnatishingiz kerak. Quyidagi bosqichlarni bajaring:

1.1. Python-ni yuklab olish

  1. Python rasmiy sayti — python.org ga tashrif buyuring.
  2. Bosh sahifada "Download Python" tugmasini ko‘rasiz. Ushbu tugmani bosing va operatsion tizimingizga mos bo‘lgan versiyani yuklab oling:
    • Windows: .exe faylni yuklab oling.
    • MacOS: .pkg faylni yuklab oling.
    • Linux: Odatda Python oldindan o‘rnatilgan bo‘ladi, lekin kerak bo‘lsa, terminal orqali o‘rnatishingiz mumkin.

1.2. Python-ni o‘rnatish

  1. Yuklab olingan faylni ishga tushiring.
  2. Windows foydalanuvchilari uchun muhim: O‘rnatish oynasida "Add Python to PATH" degan katakchani belgilab qo‘ying. Bu Python-ni terminal yoki buyruq satrida ishlatishga imkon beradi.
  3. "Install Now" tugmasini bosing va o‘rnatish tugashini kuting.

1.3. Python o‘rnatilganligini tekshirish

  1. Terminal yoki buyruq satrini oching:
    • Windows: cmd yoki PowerShell
    • MacOS/Linux: Terminal
  2. Quyidagi buyruqni kiriting: 
    python --version
    Yoki ba’zi tizimlarda: 
    python3 --version
    Agar Python versiyasi ko‘rinsa (masalan, Python 3.11.5), demak, hammasi joyida! 🎉

2. Universal muharrirni sozlash: VS Code bilan ishlash

Visual Studio Code (VS Code) — bu Microsoft tomonidan ishlab chiqilgan bepul va oson ishlatiladigan kod muharriri. Python bilan ishlash uchun u juda mos keladi.

2.1. VS Code-ni yuklab olish va o‘rnatish

  1. Visual Studio Code rasmiy sayti ga tashrif buyuring.
  2. "Download" tugmasini bosing va operatsion tizimingizga mos versiyani yuklab oling.
  3. Yuklab olingan faylni ishga tushiring va o‘rnatishni boshlang. O‘rnatish jarayonida barcha standart sozlamalarni qoldirishingiz mumkin.

2.2. Python kengaytmasini o‘rnatish

  1. VS Code-ni ishga tushiring.
  2. Chap tomondagi Extensions (Kengaytmalar) belgisini bosing (yon panelda kichik kvadrat belgisi).
  3. "Python" deb qidiring va Microsoft tomonidan ishlab chiqilgan Python Extension ni o‘rnating.
  4. O‘rnatgandan so‘ng, VS Code Python bilan ishlashga tayyor bo‘ladi.

2.3. Birinchi Python faylingizni yaratish

  1. VS Code-da yangi fayl yarating (Ctrl+N yoki Cmd+N).
  2. Faylni hello.py nomi bilan saqlang.
  3. Quyidagi kodni yozing: 
    print("Assalomu alaykum, Python olami!")
  4. Terminalni oching (`Ctrl+```) va faylni ishga tushiring: 
    python hello.py
    Natijada, terminalda "Assalomu alaykum, Python olami!" xabarini ko‘rasiz. 🎉

3. PyCharm: Python uchun maxsus IDE

PyCharm — bu JetBrains kompaniyasi tomonidan ishlab chiqilgan kuchli va qulay dasturlash muhiti (IDE). Agar siz Python bilan jiddiy ishlamoqchi bo‘lsangiz, PyCharm siz uchun ideal tanlov.

3.1. PyCharm-ni yuklab olish va o‘rnatish

  1. PyCharm rasmiy sayti ga tashrif buyuring.
  2. "Download" tugmasini bosing va ikkita versiyani ko‘rasiz:
    • Community Edition: Bepul va barcha asosiy funksiyalarni o‘z ichiga oladi.
    • Professional Edition: Pullik va kengaytirilgan imkoniyatlarga ega. (Agar siz talaba bo‘lsangiz, student email orqali ushbu versiyadan tekinga foydalanishingiz mumkin.)
  3. Community Edition-ni yuklab oling va o‘rnatishni boshlang.
  4. O‘rnatish jarayonida barcha standart sozlamalarni qoldirishingiz mumkin.

3.2. PyCharm-da loyiha yaratish

  1. PyCharm-ni ishga tushiring.
  2. "New Project" tugmasini bosing.
  3. Loyiha uchun joylashuvni tanlang va Python interpreteri sifatida o‘rnatilgan Python versiyasini tanlang.
  4. Yangi loyiha ochilgach, main.py faylini yarating va quyidagi kodni yozing: 
    print("PyCharm bilan ishlash juda oson!")
  5. Faylni ishga tushirish uchun yuqoridagi yashil tugmani bosing. Natijada, terminalda "PyCharm bilan ishlash juda oson!" xabarini ko‘rasiz.

5. Xulosa

Mana, peshqadamlar! Endi sizning kompyuteringiz Python sehriga tayyor! 🐍✨ Siz nafaqat dasturlashni boshlashingiz, balki o‘z loyihalaringizni yaratib, ulkan IT olamida o‘z o‘rningizni topishingiz mumkin.

Eslab qoling: dasturlash — bu faqat texnik bilim emas, balki ijod va mashaqqatli mehnatdir. Har bir kichik qadam — katta marralarga erishish sari yo‘l! Xatolar? Ular sizning eng yaxshi o‘qituvchingiz bo‘ladi. Har bir xato — bu yangi bilim va tajriba.

Omadingizni bersin! Kod yozishda ijodkor bo‘ling va o‘z orzularingiz sari dadil qadam tashlang. 🚀

P.S. Har doim esda tuting: "Python forever!" 🐍💻